Fuchzge
Früa san ma wuid in´d Stod nei glaffa
ham rumgangalt, gstenzt und ogfangt zum raffa,
und ohne frong, dann gibt´s koan Frust
de scheena Madln olle niedergschmust
Do hod se dann doch scho einiges gändert,
Jetzt werd ganz gschmeidig eine gschlendert,
Nach am Bier oder Wein, do mach ma´s uns schee,
und leng uns ganz gmiadle aufs Kanapee.
I hob Dregg am Stecka und Koat an de Schua,
leckst mi am Orsch, i hob lang no ned gnua
Da Fuffzga kon mir as Lem ned vermiesen
Fuffzga ,des is a ogmahde Wiesn
De Hoor de wern grab,
de Augn a weng schlecht,
as Gstell lafft manchmoi nimma so wia i mecht,
Doch I bin oiwei sauguad drauf 50 .... scheiss doch drauf
Wir ham gschufft und gackert schwar wie de Stier,
hams Geid zam gschaufet, frog mi ned wia
de Kloana nembei an Orsch ausgwischt
Am Finanzamt lauta Liang aufdischt.
Füher da war ois immer easy
Doch heid samma olle nur no busy
schlaffa auf´d Nacht, arbadn am Tag
nix für mi, hörts was i eich sog
I hob Dregg am Stecka und Koat an de Schua …
de Kinda san groß, a Baam is pflanzt,
De Jahr ham se leise zure gwanzt,
und plözle do bagt da die dann beim Gnack,
Da schiache Fuffzga, der Oide Sack
I hob Dregg am Stecka und Koat an de Schua,
leckst mi am Orsch, i hob lang no ned gnua
Da Fuffzga kon mir as Lem ned vermiesen
Fuffzga ,des is a ogmahde Wiesn
De Hoor de wern grab,
de Augn a weng schlecht,
as Gstell lafft manchmoi nimma so wia i mecht,
Jetzt stess ma oh, i hob an durscht
50....mia doch wurscht