Christkindl - Mei bester Spetze
Hey Christkindl derf i die Duzn?
brauchad Fuasboischua und Stutzn
Und ebenso do brauchad i dann,
von Merklin a Eisenbahn.
An Buldog no den vom Eicher,
mim John Deere do konnst de schleicha.
mit am mordsdrum Odelfassl,
ja Christkindl des war a riesen Massl
Ja Wunschzettel schreim macht so Spaß
I hoff ́s Christkindl wird ned zu blaß
Ja Wunschzettel schreim du i gern
Denn Weihnachten is nimma fern
Ja ja beim Wunschzettel schreim
Kon i ma so schee de Zeit vertreim
Denn a bisserl wos geht ganz gwiss
Weil's Christkindl mei Spetzl is
A Dampflok kannt i a no braucha,
do miasat da Schornstein raucha.
Die Bauglötz die konnst da schenga,
i dat mehra an Lego denga.
I woas ned konn i des verlanga,
a Angl no zum Karpfn fanga.
nix fürd Schui und koa Gwand,
dann Christkindl, warn mia zwoa beinand.
Ja Wunschzettel schreim macht so Spaß
I hoff ́s Christkindl wird ned zu blaß
Ja Wunschzettel schreim du i gern
Denn Weihnachten is nimma fern
Ja ja beim Wunschzettel schreim
Kon i ma so schee de Zeit vertreim
Denn a bisserl wos geht ganz gwiss
Weil's Christkindl mei Spetzl is
Dann brauchad i no für mein Bruada,
a Schlauchboot mit zwoa Ruada.
Für d ́Schwester an Gummitwist,
weils für d ́Weiber eine Gaudi ist.
Fürn Vodda a Fassl Bier,
gell Christkindl, des wünsch i mir
und fürd Muada do dat i dir danga,
An Weltfrieden, des dat ihr langa
Ja Wunschzettel schreim macht so Spaß
I hoff ́s Christkindl wird ned zu blaß
Ja Wunschzettel schreim du i gern
Denn Weihnachten is nimma fern
Ja ja beim Wunschzettel schreim
Kon i ma so schee de Zeit vertreim
Denn grod is Weihnachtszeit
Ja Christkindl, du bist da beste, Spetzl weit und breit.