Um unsere Webseite für Sie optimal zu gestalten und fortlaufend verbessern zu können, verwenden wir Cookies. Durch Ihre Bestätigung stimmen Sie der Verwendung von Cookies zu.
Weitere Informationen zu Cookies erhalten Sie in unserer Datenschutzerklärung.

Burner

Musik & Text: Michael Benker

Neilich is mei Haus abbrent, 

nix is übrig blieb´n

Auf neudeutsch hoaßt des Burn down, 

so hat´s die Zeitung gschriebn.

 

Mei Oide is ma durchbrennt

Burn trough, hod oana gsogt

Wohin, i hob koa Ahnung

Falls mi oana frogt

 

D´Versicherung de zoit gar nix

Warum braucht´s mi ned frong

Warum mei Oide fort is

Konn i a ned song.

 

Mei Leb´n is ned da Burner, des woaß i ganz gwiß

Mei Leb´n is ned da Burner, an ganzen Dog nur G´schieß

Mei Leb´n is ned da Burner, ja hört denn des nia auf

I glaub i bin da Burner-Man, nimm i ab jetzt in Kauf.

 

Auf da Wies´n oane brennt Mei Zahn is fuat, für immer

I glab´ des is a Burn in des geht jetzt nimmer schlimmer 

 

Jetzt is a no mei Job weg, an Burn out hob i jetzt

bin am End und abbrennt, mi hod´s ganz zerfetzt

 

A Vermögen kost da Zahnarzt 

As letzte Geld is weg

I hob an Riesn Frust

Mei Leb´n des is a Gfrett

 

Mei Leb´n is ned da Burner, des woaß i ganz gwiß …

 

Versicherung de zoit jetzt doch

Da Zahn war eh scho hi

Mei neue Freundin is a schau

Und arbeit´n wollt i nie 

 

Mei Leb´n is jetzt da Burner, des woaß i ganz gwiß

Mei Leb´n is jetzt da Burner, i hob nie wieda Gschieß

Mei Leb´n is jetzt da Burner, ja des konn i euch song

Denn i bin da Burner Man, do konnst an jeden frong

Denn i bin da Burner Man, und des da Burner Song.